საოკუპაციო რეჟიმის წარმომადგენლების ახალი სამიზნე - კასპის მუნიციპალიტეტის სოფელ საკორინთლოში , იმ ადგილას სადაც ადრე ე.წ. საზღვრის აღმნიშვნელი ბანერები დადგეს, ახლა უკვე მავთულხლართები გაავლეს. ოკუპირებულ ტერიტორიაზე მოექცა ა ათობით ჰექტარი მიწა .

ადგილობრივი მოსახლეობა კი შეშინებულია და ხელისუფლებისგან დახმარებას ითხოვს.

"განაგრძობენ ე.წ. საზღვრის გაკეთებას, ჩემი ნაკვეთიდან 200 მეტრშია ბანერი, ხშირად ვხედავ როგორ გადაადგილდებიან სამხედრო მანქანები. ათ ჰექტარმდე იქნება იქით დარჩენილი, რომელსაც ხალხი ვეღარ ამუშავებს" - ამბობს ერთ ერთი ადგილობრივი .

სახელმწიფო უსაფრთხოების სამსახურში ბორდერიზაციის ახალ ფაქტს არ ადასტურებე. უწყებაში ამბობენ, რომ ე.წ. მავთულხლართები და ბანერები არა მიმდინარე კვირაში, არამედ გაცილებით ადრეა დამონტაჟებული.

ანტისაოკუპაციო მოძრაობის "ძალა ერთობაშია " წევრი დავით ქაცარავა აცხადებს, რომ ხელისუფლება რეალობას მალავს.

"სამწუხაროდ ამ ინფორმაციას სუს-ი არ ადასტურებს. დღეს 20 ივნისია და არაა შემთხვევითი, რომ ამ თარიღს დაემთხვა მორიგი ბორდერიზაცია. ეს ფაქტი ადგილობრივებზე დაყრდნობით ჩვენთვის დადასტურებულია" - ამბობს ქაცარავა.