პარლამენტის თავმჯდომარე არჩილ თალაკვაძე ამბობს, რომ 20 ივნისის აქციის დაშლის დროს, "სავარაუდოდ, ძალის გადამეტება მოხდა, ვინაიდან გამოძიება სწორედ ამ მუხლით არის დაწყებული".

თალაკვაძე აცხადებს, რომ 20 ივნისი მშვიდობიანი პროტესტით დაიწყო და საქართველოს პარლამენტზე ძალადობრივი შეტევით დასრულდა.

"რაც შეეხება აქციას, ჩვენ ხომ ვთანხმდებით იმაზე, რომ აქციის პირველი ნაწილი მშვიდობიანი პროტესტი იყო, მეორე ნაწილი კი, კონკრეტული რადიკალური პოლიტიკური ჯგუფის მიერ ორგანიზებული ძალადობრივი შეტევა პარლამენტზე", - ამბობს თალაკვაძე.