მოძრაობამ დილით აქცია მთავრობის ადმინისტრაციასთან ჩაატარა, რის შემდეგაც პრეზიდენტის რეზიდენციასთან გადაინაცვლეს ახლა კი ბიძინა ივანიშვილის რეზიდენციასთან იმყოფებიან.
მოძრაობის წევრები აცხადებენ, რომ ბიძინა ივანიშვილია ქვეყნის მთავარი პრობლემა და მისგან მოდის ყველა ის უბედურება, რაც ქვეყანაში მოხდა და მათ შორის "გავრილოვის ღამეც" და სისიხლიანი დარბევაც.
"ბიძინა ივანიშვილი არის ქვეყნის მთავარი ვირუსი, აქედან ვრცელდება ქვეყნის ყველა უბედურება, 20 ივნისს რომ დაგვარბიეს, სასიკვდილოდ რომ გაგვწირეს ამის დირექტივა წამოვიდა აქედან, არაფორმალური ლიდერი ბიძინა ივანიშვილი მართავს პროცესებს და პასუხისმგებლობა ეკისრება მას, ქვეყანაში რომ ვირუსი ტრიალებს პასუხისმგებლობა ეკისრება მას" - განაცხადა მიშა ქუმსიშვილმა.
აქციის წევრები ივანიშვილის რეზიდენციასთან სპეციალური ეკიპირებით იყვნენ და აცხადებენ, რომ ქვეყანაში ვირუსია ივანიშვილის სახით და საჭიროა ქვეყნის დეზინფექცია.
მასალის გამოყენების პირობები






