გვახსოვდეს რა ჩაიდინა ხელისუფლებამ 2019 წლის 20 ივნისს - გავრილოვის სისხლიანი ღამიდან ორი წელი შესრულდა.

ორი წლის წინ, "ქართული ოცნების" ხელისუფლების ბრძანებით, 20 ივნისს შინაგან საქმეთა სამინისტროს სპეციალური დანიშნულების რაზმმა მშვიდობიანი, ანტისაოკუპაციო აქცია ძალადობრივად დაარბია. ხელისუფლება დღემდე გაურბის პასუხისმგებლობის საკუთარ თავზე აღებას.

ყველაფერი დაიწყო იმით, რომ საქართველოში მართლმადიდებლურ პარლამენტთაშორის ფორუმზე დასასწრებად საქართველოში ოკუპანტი ქვეყნის, რუსეთის დუმისს დელეგაცია ჩამოვიდა. ავლაბრის სასახლეში გამართულ ღონისძიებაზე, დეპუტატ გავრილოვის სიტყვით გამოვლისას, უკრაინის ელჩმა საქართველოში ფორუმი პროტესტის ნიშნად დტოვა, საქართველოს დეპუტაცია კი მას მოწიწებით უსმენდა.

გავრილოვის ვიზიტი სკანდალის კულმინაცია:

გავრილოვი, რომელიც აფხაზეთის ომში ქართველების წინააღმდეგ იბრძოდა, ფორუმის მეორე დღეს ქართველმა ხალხმა მოულოდნლად საქართველოს პარლამენტის შენობაში, ქვეყნის საკანონმდებლო ორგანოში, პარლამენტის თავმჯდომარის სკამზე იხილა, რომელსაც სწორედ ამ ადგილიდან უნდა მიემართა ფორუმის დამსწრეთათვის.

ამ ფაქტმა პროტესტი გამოიწვია არა მხოლოდ პოლიტიკურ წრეებში, არამედ ქართულ საზოგადოებაში. რუსთაველის გამზირზე ხელისუფლების მხრიდან დაშვებას იმისას, რომ ოკუპანტი ქვეყნის დეპუტატს მიეცა უფლება საქართველოს პარლამენტში შესულიყო და პარლამენტის თავმჯდომარის სკამზე მოკალათებულიყო, რუსთაველის გამზირზე მრავალათასიანი პროტესტი მოჰყვა.

ეს არის ფოტორეპორტაჟი, რომელიც კარგად ასახავს, თუ როგორ დაშალა ხელისუფლებამ სპეცდანიშნულების რაზმის მეშვეობით რუსთაველის გამზირზე მიმდინარე აქცია; თუ როგორ უსწორდებოდნენ ისინი რიგით მოქალაქეებს და მედიის წარმომადგენლებს; მხუთავი გაზი და რეზინი ტყვიები, რომელმაც ათობით ადამიანის სიცოცხლე საფრთხი ქვეშ დააყენა. ორმა მოქალაქემ თვალი დაკარგა, რამდენიმეს მათგანს, თავის არეში ნასროლი ტყვიების გამო, ნეიროქირურგიული ჩარევა დასჭირდა. პროტესტი, რომელმაც ხელისუფლებას დაანახა, რომ დამოუკიდებელი საქართველოს ეპოქაში დაბადებული თაობა რუსულ ოკუპაციას არ შეეგუება.

ზურაბ ცერცვაძის ფოტორეპორტაჟი, სპეციალურად "ნიუპოსტისთვის"