„მიუხედავად სანდო ბრალდებებისა, რომლითაც დასტუდება კადიროვის ბრძანებით გიორგი გაბუნიას მკვლელობის მცდელობა, საქართველოს ხელისუფლება მოქმედებს ისე, თითქოს არაფერი მომხდარა"- ამერიკული მედია

მსოფლიო - 16:04, 19 Jun, 2020

1250

ამერიკული მედია, WASHINGTONEXAMINER -ი მორიგ სტატიას აქვეყნებს გიორგი გაბუნიას მკვლელობის მცდელობასთან დაკავშირებით. „ მიუხედავად ძალზე სანდო ბრალდებებისა, რომლითაც დასტურდება, რომ რამზან კადიროვის ბრძანებით ჟურნალისტის მოსაკლავად თბილისში დაქირავებულ მკვლელთა ჯგუფი შემოვიდა, საქართველოს მთავრობა მოქმედებს ისე, თითქოს არც არაფერი მომხდარა“.

კადიროვი გიორგი გაბუნიას პირადი ანგარიშსწორებით დაემუქრა 2019 წლის ივლისში, როდესაც მან ვლადიმერ პუტინს პირდაპირ ეთერში აგინა, თუმცა ამ კვირას საქართველოს უსაფრთხოების სამსახურებმა დაადასტურეს, რომ მათ დააკავეს რუსეთის მოქალაქე, რომელიც დაკავშირებული იყო დაგეგმილ მკვლელობასთან. „ ქართული ოცნების მთავრობის ხელმძღვანელობას მიუხედავად მომხდარისა, არ გამოუხატავს შეშფოთება, პრეზიდენტმა ზურაბიშვილმა კი სრულიად მოულოდნელად პასუხისმგებლობაც კი მოიხსნა რაიმე განცხადების გაკეთებისა და კონკრეტული ქმედების განხორციელებისგან ზემოხსენებული მკვლელობის მცდელობაზე“ - ნათქვამია სტატიის ავტორის მიერ.

„თუ ეს პოლიტიკოსები ფიქრობენ, რომ ამგვარი შემრიგებლური პოზიცია კადიროვისგან მადლიერებას დაიმსახურებენ, ისინი მწარედ იქნებიან იმედგაცრუებულნი. კადიროვი არ იზიარებს თბილისის დაშოშმინების დამოკიდებულებასა და პოლიტიკას „ - ნათქვამია ტომ როგანის სტატიაში.