"არავის შერჩება 20 ივნისი! რუსული ხელისუფლება უმრავლესობაში დიდხანს ვერ დარჩება"- ბაჩუკი ქარდავა

პოლიტიკა - 15:14, 19 Jun, 2020

935

ხვალინდელი აქცია იქნება სიმბოლური , მაგრამ ძალიან მწვავე ბიძინა ივანიშვილისა და მისი ხელისუფლებისთვის - ამის შესახებ "ეროვნულ-დემოკრატიული პარტიის" თავმჯდომარე და გაერთიანებული ოპოზიციის ერთ-ერთი ლიდერი ბაჩუკი საუბრობს.
ოპოზიციონერი პოლირიკოსი კიდევ ერთხელ იხსენებს გავრილოვის ღამეს და ამბობს, რომ ქართველი ხალხის პროტესტს, საქართველოს პარლამენტის თავმჯდომარის სავარძელში გავრილოვის ჩასმასთან დაკავშირებით ივანიშვილმა ტყვიებით უპასუხა და ახალგაზრდებს თვალები დასთხარა.
მისი განცხადებით, საქართველოს მართავს რუსული ხელისუფლება და ამაზე თანხმდება ამერიკის კონგრესი, სენატი და ამ საკითხზე უკვე საუბრობენ ევროპაშიც.
"მოძრაობა სირცხვილია და სხვა საზოგადოებრივი ჯგუფების ახალგაზრდების აქტივობა იყო სწორედ 20 ივნისი , პატრიოტების აქტივობა იყო 20 ივნისი. ადამიანები, რომლებმაც გააპროტესტეს ის თავხედობა, რომელიც გამოავლინა ქართულმა ხელისუფლებამ, როდესაც ოკუპანტის საპარლამენტო წარმომადგენბელი ჩასვა საქართველოს პარლამენტის თავმჯდომარის სავარძელში. ამით პოლიტიკური განაცხადი გაკეთდა, ეს ქართველმა ხალხმა გააპროტესტა და ამის საპასუხოდ ბიძინა ივანიშვილმა გასცა ბრძანება ქართველი ახალგაზრდებისთვის დაეთხარა თვალები. აი, ეს მოცემულებაა 20 ივნისი. თუ გუშინ და გუშინწინ ერთეულები საუბრობდნენ იმაზე, რომ საქართველოს მართავს რუსული ხელისუფლება დღეს ამის შესახებ საუბრობს ამერიკის კონგრესი , ამის შესახებ საუბრობს ამერიკის სენატი, ამაზე უკვე საუბრობენ გერმანიასა და ევროპაში. ივანიშვილი არის რუსეთიდან მართული ამის გამოვლინება იყო 20 ივნისი და ყველაზე მთავარი დარტყმა რაც ივანიშილმა მიიღო ეს იყო სწორედ 20 ივნისს და მან მან ქართველი ხალხისგან მიიღო უარი.

რუსული ხელისუფლება საქართველოში დიდხანს ხელისუფლებაში ვერ დარჩება. ჩვენ მივყვებით იმ გეგმას როგორიც ამ ახალგაზრდებს აქვთ. იქნება აუცილებლად პროტესტი, გავიხსენებთ აუცილებლად გავრილოვის ღამეს. არავის შერჩება 20 ივნისი . არასოდეს გაბედოს არავინ საქართველოს პარლამენტის თავმჯდომნარის სავარძელში ჩასვას რუსი ოკუპანტი. ეს აქცია უფრო იქნება სიმბოლური, მაგრამ საკმაოდ მწვავე ბიძინა ივანიშვილისა და მისი ხელისუფლებისთვის" - განაცხადა ბაჩუკი ქარდავამ.