პოლიტიკური მოძრაობა „ტრიბუნას“ ლიდერის, დავით ჭიჭინაძის თქმით, ოპოზიციის ნაწილი არა გამარჯვებისთვის, არამედ მთავარი ოპოზიციის ტიტულისთვის იბრძვის.

„ბოკერია და მისი გუნდი ივანიშვილს ვერასოდეს მოუგებს ამ ქვეყანაში!

ამიტომ, ოპზიციის ნაწილი ისევ მთავარი ოპოზიციის ტიტულისთვის იბრძვის, „ოცნება“ კი, ძალისხმევას არ აკლებს, რომ რომ „ევროპული საქართველო“ გახადოს მთავარი ოპოზიცია.

სამაგიეროდ ტენდერებში და ფინანსურ თემებში გადასარევად უგებენ ერთმანეთს და არანაირი პრობლემა არ აქვთ“ - - აცხადებს დამოუკიდებელი დეპუტატი, პოლიტიკური მოძრაობა „ტრიბუნას“ ლიდერი, დავით ჭიჭინაძე.

დავით ჭიჭინაძე საარჩევნო სისტემის ცვლილებასაც გამოეხმაურა და აცხადებს, რომ შემოთავაზებული ახალი მოდელი ისევ „ქართულ ოცნებას“ აძლევს ხელს.

ჭიჭინაძე მიიჩნევს, რომ მასშემდგ, რაც 20 ივნისს ახალგაზრდებმა რუსთაველზე თვალი დაკარგეს ოპოზიციას კომპრომისზე წასვლის უფლება არ ქონდა.

„ რაც შეეხება კონკრეტულად მაჟორიტარებს, 73 ღირსეული მაჟორიტარის მოძებნა „ქართული ოცნებისთვის“ უფრო ძნელია, უფრო რთული მათი გამარჯვების უზრუნველყოფა, ვიდრე გამსხვილებულ სამაჟორიტარო ოლქებში 30 კანდიდატის დაყენება და ადმინისტრაციული რესურსის მობილიზება.

ასე რომ, ამ სისტემითაც ისევ „ოცნება“ იგებს.

გარდა ამისა და რაც უმთავრესია, საკონსტიტუციო ცვლილებების მხარდაჭერა ზუსტად იმ ადამიანების უპატივცემულობაა, ვინც 20 ივნისს სისხლი დაღვარა.

რადგან ეს უკვე აღარ არის ის შეთანხმება, რომელიც 20 ივნისის შედეგად უნდა დამდგარიყო და რომელიც „ქართულმა ოცნებამ“ ჩააგდო.

ზოგადად კი, ვთვლი, რომ მას შემდეგ, რაც „ ოცნებამ“ გადააგდო ხალხი, არ შეასრულა ის პირობები, რომელიც ადამიანებმა, ჟურნალისტებმა საკუთარი სისხლით მოიპოვეს, ამის მერე არავის ჰქონდა კომპრომისზე წასვლის და „ოცნებასთან“ მოლაპარაკების მაგიდასთან დაჯდომის უფლება, რითაც პირველ რიგში სწორედ „ქართულ ოცნებას“ მიეცა გადამგდების სახელის ჩამორეცხვის საშუალება.“ - აცხადებს ჭიჭინაძე.