ოპოზიცია თბილისში შეთანხმებულ საერთო მაჟორიტარების კანდიდატებს რამდენიმე წუთში დაასახელებს.

ევროპული საქართველოს ლიდერის, დავით ბაქრაძის თქმით, ორმხრივი კონსულტაციების შედეგად, ისინი საერთო ოპოზიციურ მაგიდას 4 კანდიდატს სთავაზობენ:

1. გიორგი ვაშაძე – ისანი
2. ელენე ხოშტარია – ვაკე
3. შალვა ნათელაშვილი -ნაძალადევი
4. შალვა შავგულიძე – მთაწმინდა

როგორც ცნობილია, 2 ოლქში ენმ დაასახელებს თავის კანდიდატს. ამ დროისთვის არსებული ინფორმაციით, ენმ გლდანში ნიკა მელიას დაასახელებს, ხოლო სამგორში – ლევან ხაბეიშვილს.

რაც შეეხება დარჩენილ 2 ადგილს (დიდუბე, საბურთალი), დავით ბაქრაძის განმარტებით, ოპოზიცია ამ სივრცეს ღიად ტოვებს სხვა ოპოზიციონერი ძალებისთვის.