ახალი კვლევა, რომელიც საერთაშორისო გამჭვირვალობის დაკვეთითაა ჩატარებული - კვლევის შედეგად გამოჩნდა, რომ საქართველოს ზრდასრული მოსახლეობის დიდი უმრავლესობის, ანუ 79 პროცენტის აზრით, ქართულ პოლიტიკას ახალი პოლიტიკურ ძალის გამოჩენა სჭირდება. 2019 წელს დასმულ ამავე კითხვაზე პასუხები, ფაქტობრივად, ინდენტური იყო.

საზოგადოებრივი აზრის კვლევის შედეგები, საერთაშორისო გამჭვირვალობა - საქართველოს დაკვეთით კავკასიის კვლევითი რესურსების ცენტრმა (CRRC) 2020 წლის 27 თებერვლიდან 18 მარტამდე პერიოდში ჩაატარა და მთელი ქვეყნის მასშტაბით 1,763 ადამიანი გამოკითხა. კვლევის საშუალო ცდომილება 2,2 პროცენტული პუნქტია.