რუსეთში ლიმონის სწორად დაჭრის წესისა და სექსოპათოლოგიური დახმარების აღმოჩენის შესახებ ბრძანებულებები გააუქმეს

ეს საინტერესოა - 23:30, 18 Jun, 2020

1239

რუსეთის მთავრობის საიტზე გამოქვეყნებული ინფორმაციის თანახმად დაახლოებით 450 მოძველებული აქტი, რომლებიც 1946–1991 წლებში იყო მიღებული, გაუქმებულად არის ცნობილია და ძალას 2020–21 წლებში დაკარგავს.

გაუქმებულ აქტებს შორისაა წესები მაცივრების რემონტის, ხორცის გამოშრობის, ძეხვეულის წონის ბუნებრივი კლების შესახებ. ასევე გაბათილდა აქტები ხის ყუთებისა და თუნუქის ქილების დამზადების ნორმატივების შესახებ.

გაუქმებულთა შორისაა 1978 წელს მიღებული ბრძანებულება ლიმონის სწორად გარეცხვის, გათლისა და დაჭრის შესახებ, რომელიც ასევე არეგულირებდა კერძში გამოსაყენებელი ლიმონის რაოდენობას.

კიდევ ერთი აქტი, რომლიც უსარგებლო აღმოჩნდა, არის მოსახლეობისთვის სექსოპათოლოგიური დახმარების აღმოჩენის შესახებ ბრძანებულება. დოკუმენტი ფსიქონევროლოგიურ დისპანსერებში საოჯახო ფსიქოლოგიური კაბინეტების შექმნას ითვალისწინებდა, სადაც სექსოპათოლოგიური დარღვევების მქონე პაციენტებს უმკურნალებდნენ.

კონსულტაციისთვის ჩვენებად მიიჩნეოდა ცოლქმრული პრობლემები ლოგინში, სქესობრივი დარღვევები, ტრანსსექსუალობა და სხვ.

2019 წელს რუსეთის მაშინდელმა პრემიერ-მინისტრმა დმიტრი მედვედევმა განაცხადა, რომ 2020 წლის 1 იანვრიდან დაახლოებით 1300 მოძველებული აქტი გაუქმდებოდა, ხოლო სულ გასაუქმებელიკიდევ თითქმის 3600 დოკუმენტის გაუქმება.