ზუგდიდის პოლიციაში გვიან ღამემდე გაგრძელდა პატრულ–ინსპექტორ გოგა ანჩაბაძის დაჭრაში ეჭვმიტანილი კოტე თოლორდავას დაკითხვა. 

დაკითხვის შემდეგ მას წინასწარი პატიმრობა შეუფარდეს. 

შეგახსენებთ, რომ კოტე თოლორდავა გოგა ანჩაბაძეს მას შემდეგ გაუსწორდა, რაც შეიტყო, რომ მან მისი ორი თვის ორსული მეუღლის გაუპატიურება სცადა. 

თოლორდავამ ფიზიკური შეურაცხყოფა მიაყენა ანჩაბაძეს და ყური მოაჭრა, ასევე სხეული დანით დაუსერა. 

ანჩაბაძეს გადაუდებელი ოპერაცია გუშინვე ჩაუტარდა და ამჟამად ქუთაისის კლინიკაში იმყოფება. ანჩაბაძე კოტე თოლორდავას მეჯვარე იყო. 

თოლორდავას დაკითხვის პარალელურად ზუგდიდის პოლიციასთან მისი გათავისუფლების მოთხოვნით საპროტესტო აქცია ტარდებოდა. 

თოლორდავას ოჯახის წევრები და მეგობრები აცხადებდნენ, რომ მისთვის პატიმრობის შეფარდება დაუშვებელია, რადგან თოლორდავა ოჯახის ღირსებას იცავდა.