პარლამენტის პირველი ვიცე-სპიკერი გია ვოლსკი დონალდ ტუსკის განცხადებას ეხმაურება. მისი თქმით, "ყველა უნდა შევეჩვიოთ, განსაკუთრებით წინასაარჩევნო პერიოდში, რომ „ევროპის სახალხო პარტია" იქნება განსაკუთრებით აქტიური. მისი თქმით დონალდ ტუსკს გარკვეული ვალდებულებები გააჩნია მათ მიმართ, ვინც ის „ესოდენ მაღალ პოსტზე აირჩია ევროპულ სტრუქტურებში."

„სახალხო პარტია“ და მისი წევრი „ნაციონალური მოძრაობა", „ნაციონალური მოძრაობის" განშტოებები რასაკვირველია, ეს ერთი დიდი პოლიტიკური გუნდია, - ამბობს დეპუტატი.

„რასაკვირველია, ასეთი განცხადებები იქნება მუდმივად. განსაკუთრებით ტუსკის განცხადებას უნდა მივაქციოთ ყურადღება, იგი არათუ წევრია „ევროპის სახალხო პარტიის“, არამედ თავმჯდომარეა და გარკვეული მნიშვნელოვანი ვალდებულებები გააჩნია იმ პარტიის მიმართ, ვინც იგი ესოდენ მაღალ პოსტზე აირჩია ევროპულ სტრუქტურებში. გარდა ამისა, საკმაოდ სერიოზული დაძაბულობა აქვს თავის სამშობლოში, სადაც პრემიერ- მინისტრი იყო. დღევანდელი სახელისუფლებო გუნდი და ტუსკის პარტია საკმაოდ სერიოზულ დაპირისპირებულ მდგომარეობაში არიან. აქედან გამომდინარეობს „ევროპის სახალხო პარტიის“ ერთიანობის აუცილებლობა, რასაც ტუსკი უნდა წარმოადგენდეს, აქედან გამომდინარეობს ამ განცხადების პათოსი, შინაარსი და არა მარტო ამ საკითხებთან მიმართებით, იგივე უკრაინის თემაზეც ჰქონდა განცხადებები და ბევრი სხვაც იქნება,"- განაცხადა ვოლსკიმ.