„საქართველო რუსეთის წინაშე არ დაიჩოქებს, დაიჩოქა მხოლოდ მთავრობამ“ - ასე ეხმაურება „ერთიანი ნაციონალური მოძრაობის“ პოლიტიკური საბჭოს წევრი დიმა შაშკინი რამზად კადიროვის განცხადებას, სადაც ის გიორგი გაბუნიას დაჩოქებისა და ბოდიშის მოხდისკენ, ხოლო მთავრობას ჟურნალისტის აღზრდისკენ მოუწოდებს.

„რასაც ახლა ვხედავთ, „ქართული ოცნების“ პოლიტიკის შედეგია. საქართველომ კიარ დაიჩოქა რუსეთის წინაშე, დაიჩოქა მთავრობამ და 8 წლის განმავლობაში ყველას გვეუბნებიან რომ ერთადერთი ჩვენი გამოსავალია რუსეთთან ურთიერთობასი, სწორედ ესაა. ჩერჩილმა თქვა, რომ ერთადერთი რასაც რუსეთი პატივს ცემს ძალაა და სხვა არაფერი. ასეთ რამეს ბედავდა რუსეთი მიხეილ სააკაშვილის მმართველობის დროს?! ომი გვქონდა მათთან, მაგრამ ვერ ბედავდა ქილერების გამოშვებას და მუქარას - რომ ვინმეს მოგვლიკლავდა. რუსეთი გვიყურებდა როგორც ძლიერ მოწინააღმდეგეს. 2012 წელს ეს მთავრობა დადგა მუხლებზე, დაიჩოქა და ისინი ამას ვერ შეცვლიან, ვერ ადგებიან. ერთადერთი გამოსავალი ამ ხელისუფლების წასვლაა. რაც შეეხება საკითხს, თუ რა უნდა გააკეთოს ხელისუფლებამ, როგორი უნდა იყოს მათი გამოხმაურებს, ეს კითხვა საერთოდ არ უნდა დავსვათ, რადგან „ქართულმა ოცნება“ თავისი არჩევანი უკვე გააკეთა. მათ არ შეუძლიათ იყვნენ ძლიერები, მათი სიძლიერე მხოლოდ მომიტინგეებისთვის სროლაში გამოიხატება. ივანიშვილის მთავრობა ხშირად ამბობს და ამაყობს, რომ მათი ხელისუფლებაში ყოფნის დროს ტერიტორიები არ დაუკარგავთ, თუმცა დავთავალოთ აბა, რადმენი გექტარით გადმოიწია საოკუპაციო ხაზმა მას შემდეგ, რაც ხელისუფლებამ ყოველგვარი პოსტები მოხსნა და გვერდზე გაიწია"- აცხადებს დიმიტრი შაშკინი.