ჟურნალისტ გიორგი გაბუნიას ლიკვიდაციის მცდელობის საქმეს ეხმაურებიან პოლიტიკოსები. თბილისის საკრებულოს წევრი ლევან ხაბეიშვილი ხელისუფლებას აკრიტიკებს და ამბობს, რომ ქვეყნის ძალოვანი უწყება ცდილობდა საქმე მიეჩქმალა, როცა უსაფთხოების სამსახურმა, მიუხედავად უკრაინის მხრიდან ინფორმირებულობისა, დაქირავებული მკვლელი დააკავა საბუთების გაყალბების ბრალდებით.

„მოსკოვში დაიგეგმა ჟურნალისტ გიორგი გაბუნიას მკვლელობა, მკვლელი ჩამოვიდა და დაიწყო გაბუნიას თვალთვალი. ამასობაში, უკრაინის სპეცსამსახურებმა გვითხრეს, რომ ნუ დაგძინებიათ ბიჭებო, მანდ რომ "ქილერი" მოძრაობს თავისუფლად, ჟურნალისტის მკვლელობა აქვს დაგეგმილიო. ვახ ჩემი, რას ამბობთო ჩვენებმა ... უკრაინელებმა მოიწერეს, რუსი ნაბიჭვარია ეგ რომ იცოდეთ, მაინცო. კაი, კაი, ძმაო, მივხედავთო და დააკავეს საბუთების გაყალბების გამო განა რუსეთიო, მოსკოვიო, მკვლელიო და ჟურნალისტიო ! არა ! საბუთებს აყალბებდაო ფაქტობრივად მაშველი რგოლია საქართველო რუსი ნაბიჭვრებისთვის. აბა იმას ხომ არ იტყოდნენ, მოსკოვმა დაგეგმა და გიორგის ლიკვიდაცია იგეგმებოდაო. დამალეს და ცდილობდნენ ეს საქმე მიეჩქმალათ“ - წერს ნაციონალური მოძრაობის წევრი ლევან ხაბეიშვილი.