ზუგდიდში, სამართალდამცავის დაჭრაში ბრალდებულის ახლობლები, პოლიციის შენობასთან აქციას მართავენ და ეჭვმიტანილის, კახა გულორდავას გათავისუფლებას ითხოვენ. აქციაში მონაწილეობას ასამდე ადამიანი იღებს.

აქციის მონაწილეების განცხადებით, მათი მოთხოვნის დაუკმაყოფილებლობის შემთხვევაში, ისინი აქციას არ შეწყვეტენ.

შეგახსენებთ, რომ დღეს შუადღის 12:00 საათზე, ზუგდიდში, პრეზიდენტის რეზიდენციის მიმდებარე ტერიტორიაზე დაჭრილი პოლიციელი იპოვეს. რომელსაც სხეულზე ჭრილობები ბასრი საგნით ჰქონდა მიყენებული. იგი ამ დროისათვის ზუგდიდის რესპუბლიკურ საავადმყოფოში, რეანიმაციულ განყოფილებაშია მოთავსებული. დაზარალებული ასევე ეჭვმიტანილია მისი მეგობრის მეუღლის გაუპატიურების მცდელობაში, რის გამოც მოხდა მასსა და გულორდავას შორის ანგარიშსწორება.