„გვახსოვს რა ჩაიდინეთ გასულ ზაფხულს“ - ამ წარწერისთვის თბილისში სამოქალაქო მოძრაობის „სირცხვილიას" აქტივისტები დააჯარიმეს.

შემთხვევა გიშინ პეკინის გამზირზე მოხდა. თბილისის მერიის მუნიციპალური ინსპექციის თანამშრომლებმა აქტივისტები 200 ლარით დააჯარიმეს, ხოლო „პანორამა თბილისის“ დროებით ღობეზე წარწერისთვის 1000 ლარით, ინსპექციის მტკიცებით, ეს ტერიტორია კულტურული მემკვიდრეობის ზონაშია.

„მადლობას ვუხდით ბიძინა ივანიშვილსა და მის დროებით საყვარელ პრემიერმინისტრ გიორგი გახარიას ჩვენი პარტიზანული აქტივობის ჩაშლის ბრძანების გაცემისა და ამხელა ადმინისტრაციული რესურსის ჩვენს სტენსილებზე მოცდენისთვის“- წერენ დაჯარიმებულები.

20-21 ივნისის სისხლიანი ღამიდან ერთი წელი შესრულდა.

სირცხვილია ამ დღესთან დაკავშირებით აქტივობების გამართვას გაგმავს. დაგეგმილია აქცია დედაქალაქის მთავარ გამზირზე, სადაც მშვიდობიან მოქალაქეებს რეზინის ტყვიები ესროლეს, მაკო გომურს კი თვალი დათხარეს.