სპეცოპერაცია ქავთარაძეზე და გიორგი გაბუნიას ლიკვიდაციის მცდელობა - "მთავარი არხის" გენერალური დირექტორი, ნიკა გვარამია აცხადებს, რომ გაბუნიას ლიკვიდაციაზე გამოძიება თავდაპირველად უკრაინულმა მხარემ დაიწყო.

მისივე თქმით, მას შემდეგ კი, რაც საქმე საქართველოს გადმოსცა, ქართულმა მხარემ ის "დიდი ლობის" პროვოკაციად ჩათვალა.

გვარამიას განმარტებით, უკრაინელებისთვის ცნობილი გახდა, რომ რამდენიმე თვის წინ, მათ ტერიტორიაე ეთნიკურად ჩეჩენი მოქალაქის მიერ ხდებოდა კოორდინირება გიორგი გაბუნიას საქართველოს ტერიტორიაზე ლიკვიდაციის. მისი თქმით, ეს ყველაფერი რუსეთის ტერიტორიიდან იმართებოდა.

"მთავარი არხის" გენერალირი დირექტორის თმით,უკრაინაში გამოძიება საქართველოსთვის შეუტყობინებლად მიმდინარეობდა, რადგან საქართველო არ არის სანდო პარტნიორი და ეჭვი არსებობდა, რომ რუსეთის მოქალაქეზე ქვეყნიდან ინფორმაცია გაჟონავდა.

"თვეების განმავლობაში გიორგი გაბუნიას უთვალთვალებდნენ, ჩვენ იმთავითვე გავაძლიერეთ მისი დაცვა თავის დროზე, რამდენიმეჯერ ჩვენ გვქონდა ინფორმაცია, რომ თვალთვალი მიმდინარეობდა გაბუნიაზე, მაგრამ არ დაგიმალავთ, ვიფიქრეთ, რომ ეს არის ხელისუფლება, რადგან ყველა ჩვენს წამყვან სახეს უთვალთვალებს ხელისუფლება ჩემით დაწყებული გაბუნიათი გაგრძელებული და სხვებით. კორონა პანდემიის დროს, როდესაც კონტროლი მოიშალა საქმე გადმოეგზავნა საქართველოს სამართალდამცავებს. ჩვენი წაყაროები საქართველოში უკვე აქედან გვაწვდიან ინფორმაციას, კიდევ უფრო ძლიერდება ბატონი გიორგი გაბუნიას დაცვა ამის შემდეგ. საქართველოს ხელისუფლებამ ეს ინფორმაცია არ მიიიღო სერიოზულად, იმთავითვე გეტყვით, ჩათვალა უკრაინაში ქართული დიდი ლობის პროვოკაციად, მიუხედავად ამისა, მაინც გააძლიერა კონტროლი გაბუნიას გადაადგილებაზე, ეს მისასალმებელია, ჩვენ ესეც შევამჩნიეთ",-აღნიშნა ნიკა გვარამიამ.