კორონა ვირუსის პანდემიის გამო თურქეთში დარჩენილი საქართველოს მოქალაქეების საყურადღებოდ, თურქეთის საელჩო განცხადებას ავრცელებს.

დიპლომნატიურ უწყებაში აცხადებენ, რომ“ პირები, რომლებიც ახალი ტიპის კორონა ვირუსის პანდემიიდან გამომდინარე ფრენების გაუქმების გამო, მათგან დამოუკიდებელი მიზეზებით, იმყოფებიან თურქეთში და ვერ ახერხებენ მისი ტერიტორიის დატოვებას, არ დაექვემდებარებიან პირობით ან უპირობო საჯარიმო სანქციებს, თუ მათ იძულებითი გარემოებების არსებობის პერიოდში (სატრანსპორტო კომუნიკაციის შეწყვეტის დღიდან მის აღდგენამდე) გადაუცდებათ ვიზის/ცხოვრების ნებართვის ვადა“.

„ფრენების ჩვეულებრივ რეჟიმში აღდგენის შემდგომ იმისათვის, რომ ამ პირებზე არ გავრცელდეს ჯარიმები, უშუალოდ მათ ქვეყანასთან სატრასპორტო კომუნიკაციის აღდგენის შემდეგ, არა უგვიანეს 1 თვის ვადაში უნდა დატოვონ თურქეთის ტერიტორია“ - ნათქვამია განცხადებაში.