კორონავირუსის გამო შეცვლილი ბიუჯეტის გეგმა რაციონალურადაა დაგეგმილი და ხელისუფლება ერთი თეთრის არარაციონალურად დახარჯვასაც კი არ დაუშვებს - ამის შესახებ პარლამენტის ვიცე-სპიკერმა, გია ვოლსკიმ ისაუბრა.

ოპოზიცია პანდემიის გამო კორექტირებულ ბიუჯეტს, "ფლანგვის ბიუჯეტს" უწოდებს.

"არცერთი ხელისუფლება არ დაუშვებს იმას, რომ რაიმე ერთი თეთრი მაინც, მით უმეტეს, თუ ის სესხია, დახარჯული იქნეს არარაციონალურად. გეგმა, რომელიც მათ წარმოადგინეს, სწორედაც, რომ რაციონალური და პროფესიონალურად ჩამოყალიბებულია და გათვლილია არა მხოლოდ დღევანდელ დღეზე, არამედ მომავალზე", - თქვა ვოლსკიმ ოპონენტების საპასუხოდ.