საქართველოს მთავარი პროკურორის მოადგილე ლაშა ნაცვლიშვილი კიდევ ერთხელ უარყოფს ინფორმაციას, რომ მთავარი პროკურორის მოადგილის თანამდებობას ტოვებს.

ნაცვლიშვილი აცხადებს, რომ მისი ნებისმიერი გადაწყვეტილების შესახებ საზოგადოება მთავარი პროკურატურის ვებ-გვერდიდან გაიგებს და არა ჭორებით.

შეგახსენებთ, რომ მთავარი პროკურორის პირველ მოადგილის ლაშა ნაცვლიშვილის გადადგომისა და მის მიერ თითქოსდა კაბინეტის დაცლის შესახებ განცხადება შაბათს გავრცელდა.

ასევე გავრცელდა ინფორმაცია თბილისის პროკურორის მაია მწარიაშვილის გადადგომის შესახებ, რაც ასევე, არ შეესაბამება სინამდვილეს. მაია მწარიაშვილის შესაძლო შემცვლელად მცხეთის პროკურორის მიხეილ შაყულაშვილის კანდიდატურა დასახელდა.