თბილისის ცენტრალურ და ცენტრიდან დაშორებულ უბნებში, ქუჩებში, ბოძებზე და მეტროს ამოსასვლელებთან გაკრული ფურცლების სახით განცხადება გაჩნდა, რომელიც ვაკეში, რუსეთის ყოფილი საელჩოს მიმდებარე ტერიტორიაზე ე.წ. ელტარული სასაფლაოს გახსნას იუწყება.

განცხადებაში აღნიშნულია, რომ ახალი, ელიტური სასაფლაო მამა იოანეს ლოცვა–კურთხევითა და საპატრიარქოს მხარდაჭერით გაიხსნა და მითითებულია საკონტაქტო ტელეფონიც, სადაც, გარდაცვლილის ჭირისუფლის ან დაინტერესებული პირის სტატუსით დარეკვის შემთხვევაში მამაკაცი ამბობს, რომ სასაფლაოზე დაკრძალვა 1.500 დოლარი ან მისი ექვივალენტი ჯდება და „ადგილები შერჩევას ექვემდებარება, საკმაოდ ბლომადაა, ჯერჯერობით“. 

განცხადების ფოტოები სოციალურ ქსელ "ფეისბუქშიც" გამოჩნდა და სწრაფად ვრცელდება.