ოპოზიციისთვის მიხეილ სააკაშვილის შეთავაზებას არჩევნებში ერთიანი პროპორციული სიით გამოსვლის შესახებ დედაქალაქის მერი კახა კალაძე ეხმაურება და ამბობს, რომ ოპოზიციაში დაპირისპირებაა.

"არ ვიცი, შიგნით შეთანხმებას რამდენად მოახერხებენ, იმიტომ, რომ ბოლო დღეებიდან როგორც ირკვევა და მათ განცხადებებში ჩანს, აშკარად დაპირისპირებაა. ვნახოთ, რა გადაწყვეტილებებს მიიღებენ, რას მოილაპარაკებენ“- ამბობს კალაძე.

შეგახსენებთ, რომ საქართველოს მესამე პრეზიდენტმა ოპოზიციას 2020 წლის არჩევნებში ერთიანი პროპორციული სიით გამოსვლა შესთავაზა. მიხეილ სააკაშვილი ამბობს, რომ მხოლოდ ერთიანი ძალებით და კოორდინირებული ნაბიჯებით არის შესაძლებელი ბიძინა ივანიშვილის ხელისუფლებიდან გაშვება.