ზუგდიდში, პოლიციელის დაჭრაში ეჭვმიტანილი უკვე დაკავებულია. დაკავებული ამჟამად დაკითხვაზე იმყოფება. ინფორმაციას შსს ადასტურებს. 

ამ წუთებში პოლიციას ჩვენებას აძლევს დაკავებული თოლორდავას საცოლეც, რომლის მტკიცებითაც, დაჭრილმა პოლიციელმა გოგა ანჩაბაძემ ორი დღის წინ მისი გაუპატიურება სცადა.

სისხლის სამართლის საქმე აღძრულია როგორც პოლიციელზე ძალადობის ფაქტზე, ასევე გაუპატიურების მცდელობაზეც.

შეგახსენებთ, რომ ზუგდიდში საპატრულო პოლიციის თანამშრომელი გოგა ანჩაბაძე დღეს დაჭრილი იპოვეს. უცნობმა პირებმა მას ყური მოაჭრეს, სცემეს, საპატრულო პოლიციის ფორმა გახადეს და ადგილზე შიშველი დატოვეს. მას სავარაუდოდ, ფეხიც აქვს მოტეხილი. შემთხვევა ზუგდიდში, პრეზიდენტის რეზიდენციის მიმდებარე ტერიტორიაზე მოხდა.

დაჭრილი პოლიციელი ზუგდიდის საავადმყოფოს რეანიმაციის განყოფილებაში იმყოფება, მისი მდგომარეობა მძიმეა. სავარაუდოდ, ჯანმრთელობის მდგომარეობის გაუმჯობესების შემდეგ გოგა ანჩაბაძეს გაუპატიურების მცდელობის საქმესთან დაკავშირებით დაკითხავენ.