"ოცნების ხელისუფლების მიერ აშშ-ის პოლიტიკური ელიტის დამცირება საქართველოს ყველაზე დიდი გეოპოლიტიკური შეცდომაა"- დიმიტრი შაშკინი

პოლიტიკა - 21:06, 12 Jun, 2020

1292

საქართველოს თავდაცვის ყოფილი მინისტრი, დიმიტრი შაშკინი კონგრესმენების გაერთიანების მიერ გამოქვეყნებულ კვლევას ეხმაურება.
დიმიტრი შაშკინის თქმით, republican study Committee კონგრესში რესპუბლიკელების ყველაზე დიდი გაერთიანებაა, რომელსაც 147 წევრი ჰყავს და "ქართული ოცნების" მიერ საუბარი იმაზე, რომ ეს ხალხი უმნიშვნელოა პარტიაში არსებულ პანიკაზე მიუთითებს.

"საუბარი იმაზე, რომ თურმა არაფრის გადამწყვეტი ორგანიზაციაა და ეს ხალხი უმნიშვნელოა ზუსტად იმაზე მეტყველებს, რომ ქართულმა ოცნებამ, სრულიად დაკარგა კავშირი რელობასთან და იმედის ნაპერწკალიც კი არ არის.მე მინდა ვუთხრა მათ, ვინც არ იცის რა გაერთიანებაზე და ორგანიზაციაზეა საუბარი, რომ republician study Committee ყველაზე დიდი გაერთიანებაა ამერიკის კონგრესში. 147 კონსერვატორი დეპუტატი შედის ამ ორგანიზაციაში.კონგრესში არის სპეციალური გაერთიანებები, რომლებსაც ეძახიან caucus, ეს არის ინტერესთან გაერთიანება, რომელთა ამოცანაც არის კონკრეტული საკითხების მხარდაჭერა. ეს ორგანიზაცია ითვლება ყველაზე გავლენიან ორგანიზაციად ამერიკის კონგრესში." - განაცხადა დიმიტრი შაშკინმა.

დიმიტრი შაშკინის თქმით, ქართულმა ოცნებამ ჩვენს სტრატეგიულ პარტნიორთან დაპირისპირების გზა აირჩია და "ოცნების" წარმომადგენლები თავიანთი განცხადებებით აშშ-ის პოლიტიკურ ელიტას ამცირებენ და შეურაცხყოფას აყენებენ, ეს კი ამ ქვეყნის ყველაზე დიდი გეოპოლიტიკური შეცდომაა.