დესტრუქციული ძალებიგააქტიურდნენ, მათთვის მიუღებელია ეკლესია, ჯარი, პოლიცია - ამის შესახებ პარლამენტში სიტყვით გამოსვლისას თავდაცვის მინისტრმა ირაკლი ღარიბაშვილმა ისაუბრა.

“გარე საფრთხეების გარდა ქვეყნის შიგნით, განსაკუთრებით ბოლო პერიოდში ვხედავთ სხვადასხვა დესტრუქციული ძალების გააქტიურებას. ქვეყანაში რყევები ძლიერდება მათი უპასუხისმგებლო ქმედებებით, რომელთა ერთ-ერთ მიზანს წარმოადგენს საზოგადოებაში მაღალი ნდობის და ავტორიტეტული ინსტიტუციების დასუსტება. დესტრუქციული ძალებისთვის, რა თქმა უნდა, მიუღებელია მაღალი რეიტინგის მქონე ხელისუფლება და საზოგადოებაში მაღალი ნდობის ისეთი ავტორიტეტული ინსტიტუციები, როგორიც არის ეკლესია, ჯარი, პოლიცია. ასევე, მიუღებელია საზოგადოების განწყობებზე მნიშვნელოვანი გავლების მქონე აზრის ლიდერები და ინდივიდები. ” - აცხადებს ღარიბაშვილი