სამეზობლო პოლიტიკის და გაფართოებაზე მოლაპარაკებების საკითხებში ევროკომისარი ოლივერ ვარჰეი აცხადებს, რომ საქართველოს ჯერ კიდევ აქვს განუხორციელებელი რეფორმების გრძელი ნუსხა.

ევროკომისარმა აღნიშნულ საკითხზე აღმოსავლეთ პარტნიორობის ქვეყნების საგარეო საქმეთა მინისტრების ვიდეოკონფერენციის ფარგლებში გამართულ პრესკონფერენციაზე, საქართველოს ევროინტეგრაციის შემდგომი ნაბიჯების შესახებ დასმული კითხვის საპასუხოდ განაცხადა.

“ჩვენი მიდგომა მდგომარეობს იმაში, რომ ქვეყნებს, რომელთაც მეტი თანამშრომლობა სურთ, ვაძლევთ ასეთი თანამშრომლობის შესაძლებლობას, იქნება ეს პოლიტიკური თუ ეკონომიკური მიმართულებით. ჩვენი პოლიტიკური პრიორიტეტები უცვლელია – ჩვენ გვსურს ადგილზე დემოკრატიული რეფორმების განხორციელება. საქართველოში, მე ვფიქრობ, საკმაოდ გრძელი ნუსხაა რეფორმებისა, რომლებიც ჯერ კიდეც განუხორციელებელია. ჩვენ გვსურს თანამშრომლობა საქართველოს მთავრობასთან ამ რეფორმების გასატარებლად”, – აცხადებს ვარჰეიმი.

ევროკომისრის თქმით, ინტეგრაციის პროცესში საუკეთესო და ყველაზე სწრაფი გზა საქართველოსთვის რღმა და ყოვლისმომცველი თავისუფალი ვაჭრობის შეთანხმების სრულად იმპლემენტაციაა.

“რა თქმა უნდა, თუ საქართველო დაინტერესებულია ღრმა და ყოვლისმომცველი თავისუფალი სავაჭრო შეთანხმების უფრო სწრაფი იმპლემენტაციით, ჩვენ ამის გასაკეთებლად მზად ვართ. ყველა შესაძლებლობაა აღმოსავლეთ პარტნიორობის ქვეყნებისთის, რათა ისინი მეტად იყვნენ ჩართულები და ჩვენც მზად ვართ, რომ მეტად ვიყოთ ჩართულები”, – დასძენს ევროკომისარი.