საქართველოს მესამე პრეზიდენტის, მიხეილ სააკშვილის განცხადებების გამო დაბარებული უკრაინის ელჩი, იგორ დოლგოვი სამინისტროში მივიდა. შეხვედრის დაწყებამდე ელჩს მედიასთან კომენტარი არ გაუკეთებია.

საქართველოში უკრაინის ელჩი მინისტრმა, დავით ზალკალიანმა დღეს, დაიბარა. მინისტრის განცხადებით, უკრაინის ელჩს შეხვდებიან, რადგან აქვთ კითხვები, რატომ ერევა "უკრაინის მოქალაქე და მაღალჩინოსანი" მიხეილ სააკაშვილი ქვეყნის შიდა საქმეებში და პირდაპირ საარჩევნო პროცესში.

"მე მაინტერესებს ჩვენი უკრაინელი კოლეგებისგან და ამის შესახებ გვექნება საუბარი, რა თქმა უნდა, ელჩს [უკრაინის ელჩს საქართველოში] ჩვენ დავიბარებთ დღეს საგარეო საქმეთა სამინისტროში და მოვთხოვთ განმარტებებს, რადგან ეს არის აშკარად პირდაპირი ჩარევა უცხო ქვეყნის მაღალჩინოსნის და მათ შორის არა უბრალოდ სხვა ქვეყნის, არამედ სტრატეგიული პარტნიორის", - განაცხადა ზალკალიანმა.