პრემიერმა გახარიამ მთავრობის სხდომაზე კორონავირუსის ახალ შემტხვევებზე ისაუბრა.

პრემიერი აცხადებს, რომ უკიდურესად საგანგაშოა ის ფაქტი, რომ 6 ახალი შემთხვევიდან 4-ის წარმომავლობა დღეის მდგომარეობით არ არის ცნობილი.

მისივე თქმით, მოსახლეობას მაქსიმალური სიფრთხილე მართებს, რათა ეპიდემიოლოგიური მდგომარეობა ქვეყანაში არ გაუარესდეს

„ყველას კარგად უნდა გვესმოდეს, რომ მიუხედავად იმისა, რომ ჩვენ გავხსენით ეკონომიკა, მივიღეთ გადაწყვეტილებები, რომლებიც აძლევს ჩვენს მოქალაქეებს შესაძლებლობას ნაკლები შეზღუდვებით ვიცხოვროთ ყოველდღიურად, გავაგრძელოთ ჩვენი ყოველდღიური ეკონომიკური ჩვეული საქმიანობა, არავის უნდა ჰქონდეს იმის ილუზია, რომ ვირუსი დამარცხებულია. ეს ძალიან კარგი მაგალითია იმის, თუ რა შეიძლება მოხდეს. ყველას კარგად უნდა გვესმოდეს, რომ 4 ახალი შემთხვევა, რომელთა ინფიცირების წყარო დღეის მდგომარეობით დაუდგენელია არის დიდი რისკის შემცველი. ეს ფაქტობრივად არის 4 ახალი კლასტერი“, - განაცხადა გახარიამ.