პუტინის და მისი მოკავშირე ოლიგარქების წინააღმდეგ პრინციპული და ეფექტიანი პოლიტიკა განხორციელდება - სამადაშვილი კონგრესმენების უმწვავეს გზავნილზე

პოლიტიკა - 09:34, 11 Jun, 2020

728

საპარალამენტო ფრაქცია "ერთიანი ნაციონალური მოძრაობის" თავმჯდომარის მოადგილე სალომე სამადაშვილის განცხადებით, ის რომ ამერიკის შეერთებული შტატების გლობალური უსაფრთხოების სტრატეგიულ დოკუმენტში ივანიშვილის წინააღმდეგ სანქციებია ნახსენები, 3-რამეს ნიშნავს.

"როცა ჩვენი სტრატეგიული პარტნიორის გლობალური უსაფრთხოების დოკუმენტში ივანიშვილი და მის წინააღმდეგ სანქციების შესაძლო დაწესებაა ნახსენები, ეს ადასტურებს, რომ:

1. ჩვენი სტრატეგიული მოკავშირეები დარწმუნებით თვლიან, რომ დღევანდელი ხელისუფლება, იმის ნაცვლად რომ საქართველოს და დასავლეთის ინტერებისისთვის მუშაობენ, იქცევიან პირიქით და რუსეთის ინტერესებისთბის მუშაობენ.

2. პუტინის და მისი მოკავშირე ოლიგარქების წინააღმდეგ პრინციპული და ეფექტიანი პოლიტიკა განხორციელდება, რადგან ისინი პირდაპირ უპირსპირდებიან ამერიკის სტრატრგიულ ინტერესებს.

3. კიდევ ერთხელ დადასტურდა რომ ბიძინა ივანიშვილის ინტერესებში უნდა იყოს 8 მარტის შეთანხმების შესრულება. ასევე, სამართლიანი და თავისუფალი არჩევნების ჩატარება და პოლიტიკური ძალაუფლების მშვიდობიანად დათმობა. მართალია, ამ შემთხვევაში ის პუტინს განარისხებს, მაგრამ აქვს შანსი, იყოს დასავლეთის დაცვის ქვეშ და არ გახდეს მის მიერ სანქცირებულ პრესონად." - ამბობს სამადაშვილი "ნიუპოსტთან".

13 გავლენიანი რესპუბლიკელი კონგრესმენი პირდაპირ ამბობს, რომ ბიძინა ივანიშვილი პუტინის მოკავშირეა და საქართველოს დესტაბილიზაციაშია ჩართული.

დოკუმენტში, რომელიც გუშინ გამოქვეყნდდა საუბარია, რომ კონგრესმა უნდა შეადგინოს იმ ოლიგარქებისა და მათთან დაკავშირებული ადამიანების სია, რომლებიც რუსულ აგრესიას აფინანსებენ.