"ბატონო ანრი, ისეთი დრამატიზმით საუბრობდით პირბადის აუცილებლობაზე, მიკვირს, პირბადე რომ არ გიკეთიათ"

"ბატონო ანრი, ისეთი დრამატიზმით საუბრობდით პირბადის აუცილებლობაზე, მიკვირს, პირბადე რომ არ გიკეთიათ" - ბესელია ოხანაშვილს

პოლიტიკა - 18:09, 10 Jun, 2020

588

პარლამენტში პლენარულ სხდომაზე კანონი განიხილეს კანონი, რომლის მიხედვითაც პირბადის ტარების წესის დარღვევა 20 ლარით დაჯარიმებას გამოიწვევს.
სხდომაზე ეკა ბესელიამ პარლამენტში არსებულ სიტუაციაზე ისაუბრა და აღნიშნა, რომ პარლამენტში სოციალური დისტანციის დაცვა არ ხდება და პირბადეებსაც არ იკეთებენ.
"ბატონო ანრი, ისეთი დრამატიზმით საუბრობდით პირბადის აუცილებლობასა და საჭიროებაზე და იმდენად სასიცოცხლო მნიშვნელობა მიანიჭეთ მას COVID-19-ის დამარცხების პროცესში, მე მიკვირს ახლა პირბადე , რომ არ გიკეთიათ და ისე არ საუბრობთ. მე ახლა მოვიხსენი, შიგადაშიგ ვიხსნი ხოლმე და მეც მეხება ეს, მაგრამ მე არ მიმაჩნია, რომ ესაა ერთადერთი გადამრჩენელი COVID-19-ისგან, რომ თავი დავიცვათ, თუმცა ვეთანხმები, რომ პრევენციისთვის საჭიროა. რადგან თქვენ ასეთი კანონპროექტის ავტორი ხართ და მიიჩნევთ, რომ ამაზეა დამოკიდებული ამ პანდემიის დამარცხება, მართლა მიკვირს რომ არ გიკეთიათ, ისიც მიკვირს სოციალურ დისტანციას ამ დარბაზში, სადაც 100-ზე მეტი დეპუტატი იკრიბება, რატომ ვერ და არ ვიცავთ. ფაქტია, რომ არ ვიცავთ“, - აღნიშნა ბესელიამ.