მსოფლიო ბანკის პროგნოზით, მსფოლიოს ჯანმრთელობისა და ეკონომიკის უპრეცედენტო კრიზისი ელოდება, რომელიც გასაოცარი სისწრაფით იზრდება და გამოიწვევს უდიდეს გლობალურ ეკონომიკურ შოკს, რომლის ფონზეც მილიონობით ადამიანს უკიდურეს გაჭირვებაში ცხოვრება ელის.

გლობალური ეკონომიკური პერსპექტივებიდან გამომდინარე მსოფლიო ბანკის პროგნოზით, ეკონომიკური აქტივობა შემცირდება 5.2 %-ით, რაც ყველაზე ღრმა რეცესიაა მეორე მსოფლიო ომის შემდეგ, როდესაც ეკონომიკური ვარდნა მსოფლიო ქვეყნებში 13.8 %-ს შეადგენდა.

წლევანდელი 5.2 %-იანი ეკონომიკური ვარდნა იქნება მსოფლიოში მე-4 ყველაზე მძლავრი კრიზისი უკანასკნელი 150 წლის განმავლობაში, რომელსაც მხოლოდ აღემატება 1930-იან წლებსა და პირველ, მეორე მსოფლიო ომის პერიოდში მომხდარი ეკონომიკური ვარდნები, რომელიც ომისგან განადგურებულმა ქვეყნებმა განაპირობა.

მსოფლიო ბანკის პროგნოზით, მოსალოდნელია შემოსავლის მკვეთრი შემცირება ერთ სულ მოსახლეზე გაანგარიშებით. ნავარაუდებია, რომ ქვეყნების საერთო რაოდენობის 90 %-ში მკვეთრად შემცირდება მოქალაქეების შემოსავლები. ყველა ქვეყნისთვის, ერთ სულ მოსახლეზე შემოსავალი ანაზღაურება საშუალოდ 6.2 %-ით შემცირდება, რაც 2009 წლის ფინანსურ რეცესიაზე 2.9 %-ით მეტია.

მსოფლიო ბანკის პროგნოზით, ექსტრემალურ სიღარიბეში მცხოვრებ ადამიანთა რიცხვი 70-იდან 100 მილიონამდე გაიზრდება მხოლოდ წელს.