"ოცნებას“ არჩევნების გაყალბებას საერთაშორისო პარტნიორები არ აპატიებენ - აშშ-ის ელჩის პროკურატურაში ვიზიტის შემდეგ გაკეთებული განცხადებების საფუძველზე ოპოზიცია დარწმუნებულია, რომ ამერიკიდან ხელისუფლებამ მკაცრი გზავნილი მიიღო. მათი ქმით ეს შეხვედრა იყო განსაკუთრებული, რადგანაც შხვედრის დასრულების შემდეგ ელჩმა თქვა, რომ ახლა ამომრჩევლის მოსყიდვ და დაშინება არ გამოვა, ამაზე კი პასუხისმგებლობა უნდა აიღოს პროკურატურამ.

ხელისუფლების ოპონენტები ამბობენ, რომ არადიპლომატიური ენით მთავარი სტრატეგიული პარტნიორის ელჩის განაცხადი მხოლოდ ერთ რამეს ნიშნავდა, რომ ნდობა „ქართული ოცნების“ მიმართ საერთოდ არ არსებობს და 2020 წლის გადამწყვეტ არჩევნებზე ამომრჩევლების დაშინება „ოცნებამ“ აღარ უნდა გაბედოს.

„ერთიანი ნაციონალური მოძრაობის“ თავმჯდომარე გრიგოლ ვაშაზე აღნიშნავს, რომ ამ შეხევდრით ჩვენმა პარტნიორმა ქვეყანამ საქართველოს პირდაპირ მიუთითა, რომ არჩევნები სამართლიანად და გამჭირვალედ უნდა ჩატარდეს.

„ქართული ოცნების ხელისუფლების მიერ ჩატარებული არჩევნებისადმი ნდობა ნოლია. ამერიკის შეერთებული შტატების ელჩის ვიზიტი მთავარ პროკურორთან, მხოლოდ ერთ რამეზე მეტყველებს - მათ პირდაპირ დაეკისრათ ვალდებულება, რომ საქართველოში 2020 წლის არჩევნები დასავლური სტანდარტებით, პატიონსად და გამჭირვალედ ჩატარდეს, რადგან ხელისუფლების მშვიდობიანი გადაცემა მოხდეს"- განაცხადა ვაშაძემ.

დიპლომატიური ენით კელი დეგნანმა ირაკლი შოთაძესთან პირველი შეხვედრის შემდეგ პირდაპირ თქვა, რომ განხილვის ერთ-ერთი მთავარი საკითხი 2020 წლის არჩევნების იყო. მისივე თქმით, ამომრჩეველთა მოსყიდვისა და დაშინების შესახებ საჩივრებზე პასუხისმგებლობა სწორედ გენერალურ პროკურორს ეკისრება.

"ვისაუბრეთ გენერალური პროკურორის როლზე მოახლოვებულ არჩევნებში , მათ შორის ამომრჩევლის მოსყიდვისა და ამომრჩევლის დაშინებაზე საჩივრების განხილვასთან დაკავშირებით. ვთვლი, რომ გენერალური პროკურატურა მზადაა აიღოს პასუხისმგებლობა შემოდგომაზე, რომ ამომრჩევლებს ჰქონდეთ ნდობა საარჩევნო პროცესების მიმართ" - განაცხადა კელი დეგნანმა, შოთაძესთან შეხვედრის დასრულების შემდეგ.

ოპოზიციური პარტიების წარმომადგენლები ასევე ამბობენ, რომ მოლაპარაკებათა მაგიდასთან გენერალურ პროკურორს რვა მარტის შეთანხმებით აღებული ვალდებულებების შესრულებას აუცილებლად შეახსენებდნენ.

უმრავლესობამ კი ქვეყნის მთავარი სტრატეგიული პარტნიორს ელჩის გზავნილები სულ სხვაგვარად გაიგო. „ქართული ოცნების“ წევრები ამბობენ, რომ მსგავსი შეხვედრები ყოველთვის იმართება და წინასაარჩევნოდ ეს აუდიენცია განსაკუთრებული მნიშვნელობის არ არის.

აშშ-ის ელჩი კელი დეგნანი პროკურატურაში გუშინ დღის მეორე ნახევარში მივიდა. არჩევნებთან ერთად, მსჯელობის მთავარ თემას ამერიკის შეერთებულ შტატებთან სამართლებრივი და ექსტრადირების საკითხებზე თანამშრომლობა წარმოადგენდა.