როგორც არ უნდა ეშინოდეს ივანიშვილს და რამდენიც არ უნდა ილაპარკოს ვოლსკიმ, ადამიანებს აქვთ შეკრების უფლება და ეს აქციაც შედგება" - ხატია დეკანოიძე 20 ივნისს დაგეგმილ აქციაზე

პოლიტიკა - 19:59, 09 Jun, 2020

615

„ერთიანი ნაციონალური მოძრაობის“ ერთ-ერთი ლიდერის ხატია დეკანოიძის შეფასებით, 20 ივნისი საქართველოს უახლოეს ისტორიაში ერთ-ერთი ყველაზე მნიშვნელოვანი თარიღია, შესაბამისად, ყველა ნორმისა და უსაფრთხოების დაცვით, მოქალაქეებს აქვთ კონსტიტუციური უფლება, რომ შეიკრიბონ.
„20 ივნისი საქართველოს უახლეს ისტორიაში უმნიშვნელოვანესი თარიღია. ესაა თარიღი, როდესაც რუსთაველზე მოქალაქეების პროტესტის შედეგად რუსეთის, პუტინის პროპაგანდა დამარცხდა. დამარცხდა გავრილოვი, რომელიც საქართველოს ხელისუფლების და ბიძინა ივანიშვილის მიერ საქართველოში რუსული გავლენების დამკვიდრების სიმბოლოა. ასევე, 20 ივნისი არის ხელისუფლების ძალადობის მაგალითი. თუ როგორ დათხარა ხელისუფელამ აქციის მონაწილეებს თვალები და საკუთარი მოქალაქეების წინააღმდეგ აკრძალული საშუალებები გამოიყენა. 20 ივნისი მნიშვნელოვანია იმ კუთხითაც, რომ ესაა თარიღი, როცა ჩვენმა საზოგადოებამ მკვეთრად დააფიქსირა ევროატლანტიკური სივრცისკენ სწრაფვა. ამიტომ, როგორც არ უნდა ეშინოდეს ბიძინა ივანიშვილს მსგავსი აქციების, როცა სამოქალაქო ერთობაა და რამდენიც არ უნდა ილაპარკოს ვოლსკიმ, საქართველოს კონსტიტუციის მიხედვით, ადამიანებს აქვთ შეკრების უფლება და ეს აქციაც შედგება, რა თქმა უნდა, უსაფრთხოებიმ ნორმების სრული დაცვით.“