ნაძალადევის რაიონში, მესხიშვილის ქუჩაზე, ორსართულიანი საცხოვრებელი სახლის სარდაფები კანალიზაციის მილის დაზიანების შედეგად დაიტბორა.

რამდენიმე ოჯახის საცხოვრებელი ოთახები წყალმა გაავსო. დაზიანებულია საყოფაცხოვრებო ნივთები. ადგილზე სამაშველო სამსახურის ორი ბრიგადა და თხუთმეტამდე მაშველი მუშაობდა. დაზარალებულებს ადგილზე მისული რაიონის გამგებელი დახმარებას დაპირდა.

ოთახების გარემონტებამდე მათ ალტერნატიული ფართი შესთავაზეს.