სავარაუდო სექსუალური ძალადობის მხვერპლი არასრულწლოვანის ოჯახმა პრეზიდენტის ადმინისტრაციასთან შიმშილობა დაიწყო.

მათი თქმით, გურჯაანის სასამართლომ ბრალდებულ 58 წლის მამაკაცს ჯერ გირაო შეუფარდა, შემდეგ კი გაათავისუფლა.

6 წლის მოზარდის ახლობლები დაშლას არ აპირებენ.

"პოლიციის გაკეთებული ოქმით დაიჭირეს სოფლის პედოფილი და იყო 9 თვე ციხეში. თუკი დამნაშავე არ იყო, რატომ გააჩერეს 9 თვე და 9 თვის მერე რა საფუძველით, რა მიზეზით გამოუშვეს, ჩვენთვის გაუგებარია. ვაცხადებთ შიმშილობას, სანამ პრეზიდენტი ან პრეზიდენტის ადმინისტრაციიდან ვინმე არ გამოვა, არსად წასვლას არ ვაპირებთ", - ამბობს დაზარალებულის ოჯახის წევრი.

შემთხვევა ლაგოდეხში მოხდა, ბრალდებული 9 თვე დაკავებული იყო, თუმცა შემდეგ იგი გურჯაანის სასამართლომ უდანაშაულოდ სცნო.