თბილისის საკრებულოს ფრაქცია „ერთიანი ნაციონალური მოძრაობის“ წარმომადგენელ ლევან ხაბეიშვილის შეფასებით, ქვეყანაში რომ კორუფციის მაღალი მაჩვენებელია, ამას არაერთი ადგილობრივი და საერთაშორისო ორგანიზაციების მიერ ჩატარებული კვლევები მოწმობს.

„საერთაშორისო გამჭირვალობის კვლევა დასტურია იმისა, რომ ქვეყანაში კორუფცია კატასტროფულადაა მომატებული. გარდა ამ კვლევისა, ჩვენ ვიცით სხვადასხვა საერთაშორისო ორგანიზაციების მიერ ჩატარებული კვლევებიც, იგივე NDI-ს კვლევა, სადაც მოსახლეობის 70-80 % ამბობს, რომ ქვეყანაში კორუფციაა.

კორუფციას ადასტურებს ისიც, რომ ხელისუფლებაში მოსვლის დღიდან დღემდე, „ქართული ოცნების“ მთავრობას 7 მილიარდ ლარზე მეტი აქვს დახარჯული ტენდერის გარეშე, ანუ ერთ პირთან მოლაპრაკების გზით. და ვინ ღებულობს ამ ხელშეკრულებებს? ისინი, ვინც ოცნების შემომწირველები არიან. ანუ მილიარდერი ივანიშვილის პარტიაც გაჭირვებული ხალხის დასაფინანსებელი გახდა. თუ საქმე ეხება ტენდერებს, აქ ძირითად ვხვდებით მეგობრებს, ნათესავებსა და მთავრობასთან დაახლოებულ პირებს.

როგორ შეიძლება ქვეყანაში არ იყოს კორუფცია, როდესაც ბიძინა ივანიშვილია სათავეში. ანუ კაცი, რომელიც ქვეყანათი არის პროკურორიც, მოსამართლეც, პოლიციელიც. კაცი, რომელიც თავიდან ბოლომდეა კორუფციაში ჩაფლული. რომელმაც ააფეთქა საყდრისი და იქიდან ოქროს მიეზიდება, სხვადასხვა ჰესებში თავისი წილები აქვს, ვიცით რას აპირებს და რა გეგმები აქვს რაჭაში, გურიაში ოქროს მოპოვებას ცდილობს, მისი ხეების დატარებაში კი, მთელი სახელმწიფო სტრუქტურებია ჩართული.“- აცხადებს ხაბეიშვილი.