ჰოლანდიელმა მეცნიერებმა აღმოაჩინეს, რომ შორისდებული „ა“, რომელიც აღნიშნავს თხოვნას,  გაუგებარი ფრაზა გაუმეორონ, შეიძლება განხლულ იქნას როგორც უნივერსალური სიტყვა, რომელიც სხვადასხვა ენის ევოლუციის გზაზე გაჩნდა. კვლევა გამოქვეყნებულია ჟურნალ PLoS One -ში.

კვლევაში მეცნიერებმა 10 ენის ნიმუშები განიხილეს, მათ შორის სხვადასხვა ოჯახში შემავალები: იტალიური, ესპანური, რუსული, ჩინური, ისლანდიური, ლაოსური, ჰოლანდიური, ეკვადორული ჩა-პალაა, ავსტრალიური ენა მურინ-პატა და სივუს ენა, რომელზეც განაში ლაპარაკობენ.

ლინგვისტებმა ყოველდღიური საუბრების ჩანაწერებს ანალიზი გაუკეთეს. მეცნიერებმა დაადგინეს, რომ „ა“ წარმოადგენს სიტყვას და არა ბიოლოგიურ ხმას. აღმოჩნდა, რომ ის ფონეტიკურად, სრულიად განსხვავებულ ენებში, მგავსია. ეს შორისდებული არ არის თანდაყოლილი და მოითხოვს შესწავლას - ბავშვები მის სწორად გამოყენებას, 5 წლის ასაკში სწავლობენ. „ა?“ მისი სიმოკლიდან გამომდინარე, ყოველთვის ვერ ჩაინაცვლება სხვა სიტყვით, როგორიცაა მაგალითად „რაა?“, ამიტომ მას დიდი მნიშვნელობა გააჩნია ზეპირსიტყვიერებაში. აქედან გამომდინარე, მეცნიერებმა დაასკვნეს, რომ შორისდებული უნივერსალურ სიტყვად ჩამოყალიბდა მსგავსი სახით, სხვადასხვა ენაში  ერთნაირი ფუნქციის გამო.