„ბელარუსი ერთადერთი პოსტსაბჭოთა ქვეყანაა, რომელსაც უბედურება არ უნახავს... დაგავიწყდათ, რომ საქართველომ ტერიტორიის თითქმის მესამედი დაკარგა"

„ბელარუსი ერთადერთი პოსტსაბჭოთა ქვეყანაა, რომელსაც უბედურება არ უნახავს... დაგავიწყდათ, რომ საქართველომ ტერიტორიის თითქმის მესამედი დაკარგა" - ლუკაშენკო

პოლიტიკა - 12:58, 06 Jun, 2020

629

ბელარუსი ერთადერთი პოსტსაბჭოთა ქვეყანაა, რომელსაც უბედურება არ უნახავს - ამის შესახებ ლუკაშენკომ ახალი მთავრობის დანიშვნის დროს სიტყვით გამოსვლისას განაცხადა. მისი თქმით, მშვიდობა ბელარუსიის მთავარი მონაპოვარია.

"ბელარუსი ერთადერთი პოსტსაბჭოთა ქვეყანაა, რომელსაც უბედურება არ უნახავს. ზოგიერთ ბელარუსს ჰგონია, რომ უკრაინა სადღაც შორს დაანგრიეს, ომი იქ მიდის, წაართვეს ტერიტორიის ნაწილი. სადღაც შორს მოლდოვაა, რომელიც შუაზე გახლიჩეს – დნესტრისპირეთი და დასავლეთ ნაწილი. დაგავიწყდათ, როგორ ომობდნენ ლიეტუვაში, ბრძოლით იცავდნენ დამოუკიდებლობასა და სუვერენიტეტს საბჭოთა დროს გორბაჩოვის პერიოდში. დაგავიწყდათ, რომ დღეს ჯერ კიდევ ცეცხლი უკიდია კავკასიას, სომხები აზერბაიჯანელებს ეომებიან, ვერ თანხმდებიან. დაგავიწყდათ, რომ საქართველომ თავისი ტერიტორიის თითქმის მესამედი დაკარგა – ჯერ აფხაზეთი, შემდეგ კი სამხრეთ ოსეთი. და ბოლოს, არავინ იცის, როგორც მიდიოდა ჩემი მეგობარი რახმონი გადაკიდებული ტყვიამფრქვევით ტაჯიკეთის დედაქალაქ დუშანბეში, რომ წესრიგი დაემყარებინა, რამდენი ადამიანი დაიღუპა იქ, როგორ ებრძოდნენ წვერიანებს. დაგავიწყდათ, როგორც ჩაახშო ყოფილმა პრეზიდენტმა კარიმოვმა პუტჩი ათასობით ადამიანის დახვრეტით. ყველა გმობდა მას, ხოლო როდესაც ის გარდაიცვალა, მუხლებზე იდგნენ, ტიროდნენ. ჩვენ ეს არ გადაგვიტანია, ზოგიერთს ამის გაგება არ უნდა“, – განაცხადა ლუკაშენკომ.