"ენმ-ს გადაწყვეტილება განაიარაღებს ბიძინა ივანიშვილს და "ქართულ ოცნებას"- ოპოზიცია მელიას გადაწყვეტილებას დადებითად აფასებს

პოლიტიკა - 09:47, 05 Jun, 2020

715

"ნაციონალური მოძრაობის" გადაწყეტილება ხელს შეუწყობს ოპოზიციის ერთობის განმტკიცებას.- ასე აფასებენ ხელისუფლების ოპონენტები ნიკა მელიას განცხადებას, რომლის მიხედვითაც "
"ნაციონალური მოძრაობა“, როგორც ყველაზე დიდი ოპოზიციური პარტია თმობს თბილისის 8 მაჟორიტარული ოლქიდან 6 ოლქს".

ხელისუფლების ოპონენტების თქმით, კონკრეტულ კანდიდატებზე კონსულტაციებს უახლოეს პერიოდში დაიწყებენ.

"ეს არის განსხვავებული გზავნილი იმისგან, რაც ბოლო დღეებში გვესმოდა ნაციონალური მოძრაობისგან და ძალა ერთობაშიასგან. ჩვენი ამოცანა ახლა იქნება, რომ ყველაფერი ძალიან მალე გავაფორმოთ იმიტომ, რომ ეს საკითხი მოიხნას დღის წესრიგიდან"- განაცხადა "ევროპული საქართველოს" წევრმა სერგი კაპანაძემ.

ინიციატივას პოზიტიურად აფასებენ არასაპარლამენტო ოპოზიციაშიც. "ლელოში" ამბობენ, რომ თუ ეს შეთანხმება შედგება, ისინი ოპოზიციასთან დისკუსიას გააგრძლებენ.

"მათ არგუმენტებს მოვისმენთ, ჩვენსას გავუზიარებთ და შევეცდებით ისეთ ფორმულაზე შევჩერდეთ, რომელიც უზრუნველჰყოფს თბილისში ყველა მაჟორიტარულ ოლში ქართული ოცნების დამარცხებას პირველივე ტურში" -ამბობს ბადრი ჯაფარიძე.

ნინო ბურჯანაძის პარტიაში აღნიშნავენბ, რომ ასეთი მიდგომა ივანიშვილს და "ოცნებას" განაიარაღებს:

"ესეთი მიდგომა აბსოლუტურად განაიარაღებს ბიძინა ივანიშვილს და ქართულ ოცნებას. სერიოზულად შეუწყობს ხელს სამომავლოდ ოპოზიციის ერთობის შენარჩუნებას და ქართული ოცნების ხელისუფლებიდან მშვიდობიანად გასტუმრებას" ამბობს ანზორ ბიწაძე

შეგახსენებთ, რომ „ნაციონალური მოძრაობა“ თბილისის რვა მაჟორიტარული ოლქიდან ექვსს სხვა ოპოზიციურ პარტიებს უთმობს.