"ქართული ოცნების" ქუთაისის შტაბის ნაწილი კოორდინატორები წინასაარჩევნოდ გაწეული სამუშაოებისათვის ხელფასს ითხოვენ.

როგორც ისინი ამბობენ, მათ შტაბისგან დაპირებული ხელფასი დღემმდე არ მიუღიათ. "ჩვენ საპრეზიდენტო არჩევნებისთვის ორი თვე ვირებივით ვიმუშავეთ, "ქართული ოცნებისგან" ვითხოვთ, რომ დროულად მოგვცენ ხელფასები,"-ამბობს ერთ-ერთი კოორდინატორი.

კოალიცია "ქართული ოცნების" ქუთაისის საარჩევნო შტაბის ხელმძღვანელი ზაზა მარუაშვილი აღნიშნულ ფაქტს მტკნარ სიცრუეს უწოდებს და აცხადებს, რომ "ოცნების" კოორდინატორებისთვის ხელფასის გაცემა ეტაპობრივად მიმდინარეობს.

"აღნიშნული ინფორმაცია აბსურდია და სიმართლეს არ შეესაბამება. ხელფასების გაცემა დაწყებულია და გეტყვით, რომ თვის ბოლომდე ყველა კოორდინატორს დაერიცხება ანგარიშზე,"-განაცხადა ზაზა მარუაშვილმა.

ნოდარ ჯოჯუა, "ნიუპოსტი", ქუთაისი.