"ნაციონალური მოძრაობა, როგორც მთავარი ოპოზიციური პარტია, ყველაფერს აკეთებს, რომ მოხდეს შეთანხმება პარტიებს შორის ერთიან კანდიდატებზე" - "ენმ" "ევროპული საქართველოს" განცხადებაზე

პოლიტიკა - 14:52, 04 Jun, 2020

569

„როდესაც მოლაპარაკებები ჯერ კიდევ მიმდინარეობს და ერთ-ერთი მხარე მსგავს განცხადებას აკეთებს, ეს ამ მოლაპარაკებებს ჩრდილს აყენებს“ - ასე ეხმაურება "ნიუპოსტთან" ნაციონალური მოძრაობის წევრი, ლევან ბეჟაშვილი „ეროპული საქართელოს“ განცხადებას.

„მაშინ როდესაც არავის გაუკეთებია შეთანხმების დარღვევაზე განცხადება, ასეთი საუბრები მოსახლეობას აბნევს და ნიჰილიზმს იწვევს. სანამ მოლაპარაკებები არ დასრულდება, მსგავსი განცხადებების საფუძველი არ არსებობს. ამიტომ ყველა პარტიას მოვუწოდებთ, რომ დავსხდეთ მაგიდასთან და მივაღწიოთ შეთანხმებას.

ჩვენ იმედი გვაქვს, რომ შეთანხმება მოხდება, განსაკუთრებით თბილისის მაჟორიტარულ ოლქებზე და ოპოზიციური პარტიები შევძლებთ ერთიანი ფორმატით შევუტიოთ ივანიშვილს. დღეს ამომრჩევლის დაკვეთა სწორედ ესაა.

კიდევ ერთხელ ვიმეორებ, ენმ როგორც მთავარი ოპოზიციური პარტია, ყველაფერს აკეთებს იმისთვის, რომ შეთანხმება მოხდეს, განსაკუთრებით თბილისში, როგორც პირველ, ასევე მეორე ტურში“- აცხადებს ბეჟაშვილი.

„ევროპული საქართველო“ ოპოზიციურ პარტიებს მიმართავს, ერთიანი მაჟორიტარი კანდიდატების საკითხზე არსებული "შეთანხმების ერთგულნი დარჩნენ და კანდიდატების შერჩევა დაიწყონ".