"30 მაჟორიტარული ოლქი ოპოზიციის განსაკუთრებულ ყურადღებასა და ერთიანობას მოითხოვს"- ნათელაშვილის მიმართვა

პოლიტიკა - 14:42, 04 Jun, 2020

577

"ლეიბორისტული პარტიის" ლიდერი შალვა ნათელაშვილი ამბობს, რომ მაჟორიტარული, დარჩენილი 30 ოლქი ოპოზიციის განსაკუთრებულ ყურადღებასა და ერთიანობას მოითხოვს.

„არც ისაა დასამალი, რომ ხშირად ერთ პარტიაში ჭირს კანდიდატურების შერჩევა, სიების შედგენა, არ არის საუბარი 30-40 პოლიტიკურ პარტიაზე, საიდანაც უმრავლესობას ინტერესები აქვს, მათ შორის მაჟორიტარულ ოლქებზე, მაგრამ მე დარწუნებული ვარ, რომ საქართველოს პოლიტიკურ პარტიებს უყვართ საქართველო და არა საკუთარი მდომარეობა საქართველოში“,- განაცხადა ნათელაშვილმა.

მისივე განმარტებით, პოლიტიკა არის კომპრომისების ხელოვნება და ყველაფერი გაკეთდება, რათა უმრავლეს ოლქებში საერთო კანდატები შეარჩიონ.

„რაც ოლიგარქიული რეჟიმის გარანტირებული დამარცხებაა და მიხარია, რომ ჩემი პოლიტიკური კოლეგები ამას შესანიშნავად აცნობიერებენ.

პოლიტიკა არის კომპრომისების ხელოვნება, ამიტომ დათმობა ყველას გვევალება. ზოგ პარტიას ძალიან ბევრი კანდიდატი ჰყავს მაჟორიტარულ ოლქში, სახეები ყავთ, რომლებიც 4-5 ჯერ არიან არჩეულები მაჟორიტარულ ოლქში. ძალიან გაუძნელდება ნებისმიერი პარტიის ლიდერს, მათ შორის მეც, ასეთი ადამიანი დავარწმუნო, რომ აღარ იყაროს კენჭი იმ საერთო მიზნებისთვის“,- განაცხადა შალვა ნათელაშვილმა.

ლეიბორისტული პარტიის ლიდერი ამბობს, რომ გიორგი ვაშაძეს მაჟორიტარ დეპუტატად მხარს დაუჭერდა .