"ვის შორის ჩამეტარებინა ტენდერი, ციკოლიასა და მელიას შორის?" - ღარიბაშვილი ჯარისთვის უტენდეროდ შეძენილ 83 ათასი $ ღირებულების საათებზე

პოლიტიკა - 00:29, 03 Jun, 2020

892

საათებთან დაკავშირებულ განმარტება გააკეთა თავდაცვის მინისტრმა.

როგორც ირაკლი ღარიბაშვილმა რუსთავი 2-ის ეთერში განაცხადა, ასეთივე საათები ნაციონალური მოძრაობის ხელისუფლების პირობებში იყო შეძენილი, რომელიც ცნობილ დიზაინერს ზვიად ციკოლიას ეკუთვნის. მინისტრი ამბობს, რომ დიზაინერს ამჯერად მან პირადად სთხოვა, ბრენდული წარმოების აქსესუარი კიდევ ერთხელ შეექმნა ჯარისთვის.

"ეს იყო ჯერ კიდევ გასული წლის დეკემბერში, სასაჩუქრე საათები, რომელიც არის ძალიან მიღებული ფორმა, ნებისმიერ ჯარში, თუნდაც ჩვენს ჯარში. ნაცმოძრაობის დროსაც ათასობით საათია შეძენილი. ცნობილი დიზაინერი, ბატონი ზვიად ციკოლია, მე ვთხოვე მას, რომ კიდევ ერთხელ შეექმნა ჯარისთვის ბრენდირებული საათი, რომელსაც აწერია "თავდაცვის ძალები". 165 დოლარი ჯდება თითო საათი. თუ ეს ვინმეს ენანება, ჩვენი ჯარისკაცებისთვის ეს მათ ნამუსზე იყოს.

ვის შორის ჩამეტარებინა ტენდერი, ციკოლიასა და მელიას შორის? რომელიც იდიოტივით გამოდის და თუთიყუშივით ლაპარაკობს ერთსა და იმავეს, თუ რომელი პოლიტიკოსია საათების დიზაინერი? ციკოლია ვიცით და მას დავუკვეთეთ პირდაპირ. საუბარია 83 ათას დოლარზე" - აცხადებს ირაკლი ღარიბაშვილი.