ჯანდაცვის მინისტრს ეკატერინე ტიკარაძეს ხვალ პარლამენტში ელოდებიან - უწყების ხელმძღვანელი კითხვებზე პასუხის გასაცემად ფრაქცია "დამოუკიდებელი დეპუტატების" წევრებმა დაიბარეს.

ფრაქციის თავმჯდომარის მოადგილე ლევან კობერიძე ამბობს, რომ მინისტრმა განმარტებები კორონავირუსთან დაკავშირებით შექმნილი სიტუაციასა და სამომავლო პროგნოზებზე უნდა გააკეთოს.

"ახლა იწყება ეპიდემიის მართვა, ამასთან დაკავშირებით გვჭირდება ჯანდაცვის მინისტრისგან მოვისმინოთ ძალიან კონკრეტული ინფორმაცია ჯანდაცვის სექტორის, ჰოსპიტალური და პირველადი სექტორების მდგომარეობის შესახებ", - ამბობს ლევან კობერიძე.