ამერიკის შეერთებული შტატების საზღვაო ძალების ხომალდი „მაუნთ უითნი“ ბათუმის პორტს ეწვევა

საზოგადოება - 10:41, 11 Nov, 2013

2084

11 ნოემბერს ამერიკის შეერთებული შტატების საზღვაო ძალების ხომალდი „მაუნთ
უითნი“ ბათუმის პორტს გეგმიური ვიზიტით ესტუმრება. ვიზიტის მიზანია
საქართველოს სანაპირო დაცვის კომბინირებული წვრთნების გამართვა. აღნიშნული
ვიზიტი ხორციელდება აშშ-ს მეექვსე ფლოტის ძალისხმევით განაგრძოს გლობალური
საზღვაო პარტნიორობა შავი ზღვის ქვეყნებთან და გააუმჯობესოს საზღვაო
უსაფრთხოება.

ხომალდს ამერიკის ელჩი საქართველოში რიჩარდ ნორლანდი, ატაშე თავდაცვის
საკითხებში პოლკოვნიკი მეტ დიმმიკი და აჭარის მთავრობის თავმჯდომარე არჩილ
ხაბაძე ეწვევიან.

აშშ-ს საზღვაო ძალების ხომალდი "მაუნთ უითნი" ბლუ რიჩ კლასის მოქმედი
საესკადრო ხომალდია, რომელსაც კონტინენტური ამერიკის ყველაზე მაღალი (4,421
მეტრის) მწვერვალის სახელი ეწოდა. საქართველოს ოფიციალური პირები და
ადგილობრივი მაცხოვრებლები ეკიპაჟს ბათუმის ნავმისადგომთან დახვდებიან.
ეკიპაჟის წევრები ბათუმში საზოგადოებრივ პროგრამებში მიიღებენ მონაწილეობას.

აშშ-ს ევროპისა და აფრიკის საზღვაო ძალები (მეექვსე ფლოტი) აშშ-ს ევროპულ
სარდლობას მხარს უჭერს ერთობლივი სრული სპექტრის ოპერაციებში. ფლოტი ზღვაზე
თავისუფალი მანევრირების მიზნით მეწინავე უსაფრთხოებას უზრუნველყოფს. აგრეთვე,
ფლოტი ხელს უწყობს საერთაშორისო პარტნიორებთან თანამშომლობას და მის
გაღრმავებას. ევროპისა და აფრიკის რეგიონში უსაფრთხოების, მშვიდობის და
სტაბილურობის მიღწევის მიზნით ფლოტი მანევრირებისათვის სრულად იყენებს საზღვაო
სივრცეს.