კითხვების დასმა არ არის უზნეობა, უზნეობაა განუსჯელობა იმ საკითხების, რომელიც მამა ათინოგენეს მიერ იყო გაჟღერებული - მამა ანდრია ათინოგენეს სასჯელზე და სინოდის უსამართლობაზე საუბრობს

პოლიტიკა - 18:52, 31 May, 2020

515

ბალდის ღვთისმშობლის შობის სახელობის ტაძრის წინამძღვარს, მამა ათინოგენეს მეუფე გრიგოლმა ღვთისმსახურების უფლება შეუჩერა.

სასულიერო პირი აცხადებს, რომ მღვდელმსახურების შეჩერების მიზეზი გახდა ის, რომ მსახურების დროს ლოცვებში პატრიარქს აღარ იხსენიებს.

ამ თემას მამა ანდრია სარია ეხმაურება და აცხადებს, რომ ათინოგენე უსამართლოდ გაათავისუფლეს და უზნეობაა განუსჯელობა იმ საკითხების, რის გამოც მამა ათანასენეს კითხვები გაუჩნდა.
მამა ანდრიას თქმით, საპატრიარქომ ყველა სასულიერო პირი ვინც ხმას ამოიღებს სასჯელს დაუქვემდებარა.

"მამა ათინოგენე ნამდვილად არ იმსახურებს იმიტომ, რომ კითხვების დასმა ნამდვილად არ არის რაიმე წინააღმდეგობა და უზნეობა, უზნეობა არის განუსჯელობა იმ საკითხების, რომელიც მამა ათინოგენეს მიერ იყო გაჟღერებული. ადამიანების ძალადობა უფრო საშიშია, ვიდრე ამ ძალადობაზე საუბარი. უსამართლოდ მოქმედი სინოდისგან სამართლიანობაზე საუბარი ზედმეტია. მათი ნებისმეირი ქმედება უკვე არის უკანონო ქმედება. მათ დაარღვიეს ყველას უფლებები და ვინც ხმას იღებს დააქვემდებარეს სასჯელს" - განაცხადა მამა ანდრიამ.
ცნობისთვის, მამა ათინოგენე საპატრიარქოში არსებულ სექსუალური ძალადობის ფაქტებზე საუბრობს და მის გამოძიებას ითხოვს.