მესტიის რაიონის სოფელ ხაიშის მაცხოვრებლების მხარდასაჭერად სვანეთში გუშინ კიდევ ერთი აქცია გაიმართა.

ხაიშის წმინდა გიორგის ტაძრის ეზოში მარგვეთისა და უბისის ეპარქიის მრევლი და თეოლოგები შეიკრიბნენ და ხუდონჰესის მშნებლობის შესაძლო დაწყება კიდევ ერთხელ გააპროტესტეს.

აქციის მონაწილეების განცხადებით, იმ შემთხვევაში თუ ხელისუფლება მოსახლეობის მოთხოვნებს არ გაითვალისწინებს და ჰესების მშნებელობაზე უარს არ იტყვის, აქციები მომავალშიც გაგრძელდება.

აქციის მონაწილეებმა ხელისუფლებას მიმართეს და აღნიშნეს, რომ თუ ტაძრების ჩაძირვაზე უარს არ იტყვიან მათი პოლიტიკური კარიერა დაინგრევა:

,,მინდა შევახსენო ახლანდელ მთავრობას წინა ხელისუფლების შეცდომა. მათ ერთი პატარა ტაძრის დანგრევით დაიწყეს ბათუმში და როგორ დაამთავრეს დღეს კი ვხედავთ. მომავალში ასეთი ქმედების გაფიქრებაც კი გამოიწვევს იმას, რომ მათი მომავალი მიზნები თუ პოლიტიკური სწრაფვები დასრულდება იგივე ნგრევით,”- აღნიშნა აქციაზე თეოლოგმა მიხეილ შველიძემ.