დღეს გამოჩენილი ქართველი მეცენატის, საზოგადო მოღვაწისა და მეწარმის, დავით სარაჯიშვილის დაბადებიდან 165 წლის იუბილესადმი მიძღვნილ კვირეული გაიხსნება. საიუბილეო კვირეული 19.00 საათზე გამოფენით გაიხსნება.

წარმოდგენილი იქნება დავით სარაჯიშვილის ცხოვრებისა და მოღვაწეობის ამსახველი ფოტოები, ნაჩვენები იქნება დავით სარაჯიშვილის დაკრძალვის შესახებ მცირემეტრაჟიანი ფილმი, აგრეთვე თამარ ამაშუკელის ფილმი დავით სარაჯიშვილზე. კვირეულის ფარგლებში გამოიცა გამოფენის ამსახველი კატალოგი.

კატალოგის გამოცემა შესაძლებელი გახდა თბილისის მერიის კულტურული ღონისძიებების ცენტრის ფინანსური მხარდაჭერით. კვირეულის ბოლოს, 16 ნოემბერს, 17:00 საათზე დავით სარაჯიშვილის მოღვაწეობისადმი მიძღვნილი კონფერენცია გაიმართება.