ჩემო “ევრო-ნაცებო”, ჩემო 3%-იანებო, თქვენ გაიმწარეთ ახალგაზრდობა და გირჩევთ, შეიტანოთ შენატანი საპენსიო ფონდში, იქნებ სიბერე მაინც გქონდეთ ტკბილი - ამის შესახებ პარლამენტის სხდომაზე "ქართული ოცნების" წევრმა ირაკლი კობახიძემ განაცხადა.

ირაკლი კობახიძემ ოპოზიციას მოუწოდა გაუფრთხილდნენ და იზრუნონ საკუთარ სიბერეზე.

"თქვენ რეალურად გაიმწარეთ ახალგაზრდობა. ჯერ ხელისუფლებაში იყავით ცხრა წელი და დაასრულეთ სრული ფიასკოთი და სრული კრახით...

... 2012 წლიდან მოყოლებული უკვე სხვა ფორმატში გაიმწარეთ ახალგაზრდობა. უკვე ექვსი არჩევნები მოგიგეთ იქიდან მოყოლებული და წელს მოგიგებთ ძალიან მწარედ მეშვიდე არჩევნებს.

მოკლედ რომ შევაჯამოთ, ნამდვილად გაიმწარეთ ეს ახალგაზრდობა და რატომ გირჩევთ ახლა საპენსიო ფონდის გაფრთხილებას - შეიტანეთ შენატანები საპენსიო ფონდში, იქნებ სიბერე მაინც გქონდეთ ტკბილი.

ჩემო ევრონაცებო, ჩემო სამპროცენტიანებო, გისურვებთ ტკბილ პოლიტიკურ პენსიას 2020 წლის ოქტომბრიდან" - განაცხადა ირაკლი კობახიძემ.