ლეგენდარული ქართველი მწერლის ნოდარ დუმბაძის შვილიშვილი ნოდარ მაჭარაშვილი რამდენიმე დღის წინ მოსკოვში ე.წ. კანონიერი ქურდი გახდა.
ინფორმაციას ამის შესახებ რუსეთში მცხოვრები ინტერნეტმომხმარებლები რუსულ, კრიმინალის თემაზე გახსნილ ფორუმებზე ავრცელებენ.
ნოდარ მაჭარაშვილი გოგიტა მაჭარაშვილისა და ქეთევან დუმბაძის შვილია. ის რუსეთის კრიმინალურ წრეებში კარგადაა ცნობილი.
ნოდარ მაჭარაშვილის სახელი და გვარი 1999 წელს გუდაურში, ერთე-ერთ სასტუმროში, სუფრასთან მოკლული გიორგი შავგულიძის საქმეშიც ფიგურირებდა, თუმცა, მისთვის ბრალდება არ წაუყენებიათ.
გიორგი შავგულიძე, რომელიც 1999 წელს სხვადასხვა სისტემის ორი პისტოლეტიდან გასროლით მოკლეს მას შემდეგ, რაც თავად გაზის იარაღიდან გაისროლა, ცნობილი ქართველის მსახიობის გიორგი შავგულიძის შვილიშვილი იყო.
ფოტო: ნოდარ დუმბაძის ოჯახური ფოტოებიდან - მარჯვნიდან პირველი ნოდარ მაჭარაშვილი (ფოტო გამოქვეყნებულია რეზო შატაკიშვილის ბლოგზე).
მასალის გამოყენების პირობები






